New

面對日漸飽和嘅本地市場，品牌「出海」做營銷已經係大勢所趨。不過，隨之而來嘅文化差異、唔熟悉嘅消費習慣，加上品牌喺當地零知名度、完全冇信任基礎，呢啲現實挑戰係咪令你做規劃嗰陣覺得無從下手？ 過往喺本地市場行得通嘅成功模式，好多時係建立喺品牌本身已有嘅知名度之上。所以一去到全新環境，往往就因為冇得直接 Copy & Paste 而失靈。喺一個全新嘅海外市場拎到首批客戶，往往係最難、亦係最關鍵嘅第一步。 內容大綱 由微網紅（Micro-KOL）合作開始 用關鍵意見消費者（KOC）滲透社群 建立品牌專屬社群 做數據導向嘅精準廣告投放 總結 1. 由微網紅（Micro-KOL）商業合作開始 喺新市場最難嘅，就係品牌名都冇人知，消費者好難對你建立信任。與其一開始就將 Budget 投落成效未知嘅大型廣告，不如先搵微網紅下手。雖然佢哋嘅 Fan Base 較小，但同 Fans 嘅關係非常緊密，介紹起來仲有說服力。呢個方法可以喺成本可控嘅情況下，快速喺目標客群中打響名堂，同時又可以 Test 到 ROI（回報率），係幫品牌建立初步信任最有效嘅第一步。 篩選合作夥